Екипата на Врановци од следната сезона ќе биде дел од Третата фудбалска лига – Југ, откако доби можност да се натпреварува во повисок ранг по откажувањето на првопласираниот тим Форца Нова, како и второпласираната екипа Младост.
Третопласираниот состав од Општинската фудбалска лига Велес ја прифатил понудата за настап едно скалило погоре, па така Врановци ќе испише нова страница во својата клупска историја.
За клубот ова ќе биде прво учество во Третата лига – Југ, што претставува голем успех и нов предизвик за тимот, управата и навивачите.
Со ова, велешкиот регион и во наредната сезона ќе има свој претставник во третолигашката конкуренција, а во Врановци сигурно ќе следува период на подготовки и засилувања пред стартот на новото првенство.
