Управата за хидрометеоролошки работи (УХМР) за денеска најавува сончево и топло време со мала до умерена локална облачност. Услови за зголемена облачност и краткотраен дожд ќе има попладне, главно на планинските предели. Ќе дува слаб до умерен северозападен ветер.
Минималните температури ќе се движат во интервал од 12 до 17 Целзиусови степени, додека максималните ќе се искачат 29 до 38 степени.
Времето во Велес ќе биде сончево и топло со мала до умерена облачност. Ќе дува слаб до умерен северозападен ветер. Температурите ќе се движат од минимални 17 до максимални 37 степени.
