Во рамки на проектот „Јакнење на општинските капацитети за имплементација на проекти“, Општините Градско, Крушево, Македонски Брод, Новаци, Пехчево, Студеничани, Теарце, Чашка, Чаир, Охрид и Штип ќе добијат грантови од Фондот за техничка документација(ФТД) за изработка на техничка документација за подготовка на нови проекти. Градоначалниците на единаесетте општини ги потпишаа договорите кои значително ќе им помогнат во зајакнување на капацитетите на локалните самоуправи во насока на нивен поголем развој.
„Средствата од Фондот за техничка документација наменети се за изработка на комплетна техничка документација за поставување на фотоволтаици на кровните конструкции во основните училишта Петар поп Арсов Извор, Лирија во Горно Јаболчиште и Долно Јаболчиште, изјави градоначалникот на Општина Чашка, Горан Стојановски.
Општина Градско е една од десетте општини која е добитник на Грант за изработка на техничка документација за предлог-проектот „Изолација на објекти со современи фасадни системи и реконструкција и изолација на покриви на училишни објекти во Градско“, информира градоначалникот наОпштина Градско Киро Нацков.
Со потпишување на договорот за финансирање ќе започне процесот за подготовка и изработка на тендерската документација и објавување на тендерската постапка.
