Над десетина споменици и гробни места се искршени од вандали на гробиштата во црквата Свети Спас. Блиските на починатите биле непријатно изненадени, кога денеска дошле на гробишта и виделе дека некои надгробните плочи се фрлени или скршени. Случајот го пријавиле во полиција.
„По подолго време, отидов да запалам свеќа на гробот на татко ми. Тоа што го видов беше страшно. Искршени и расфрлани споменици, венци. Почнав да шетам низ гробиштата и пронајдов и други уништени надгробни споменици. Глетката беше ужасна“, ни изјави граѓанинот кој ни ги испрати овие фотографии.
Ова не е прв инцидент на гробиштата кај црквата Свети Спас. Граѓани постојано се жалат дека гробовите и спомениците се ограбуваат, а често мета на напади и грабежи се и луѓето кои доаѓаат тука.
