Планинарот од Велес, кој вчера исчезна на ридот Гроот кај Велес, е пронајден починат, потврди директорот на Центарот за управување со кризи, Стојанче Ангелов.
„За жал, лицето е пронајдено починато. Немаме информации за причините на смртта“, изјави Ангелов.
Потрагата официјално ја водело Министерството за внатрешни работи, а во неа, покрај членовите на семејството, учествувал и искусниот планинар и спасител Надир Мурсели.
Утрово, поради лоши временски услови, немало можност за хеликоптерска претрага. Откако времето се подобрило и бил подготвен лет на хеликоптерот на МВР, Пецевски бил пронајден починат, непосредно пред полетувањето на леталото.
Причините за смртта ќе ги утврдат надлежните институции.
