Фудбалерите на Борец 1919 со пресврт го совладаа тимот на Кожуф од Гевгелија со резултат 2:1, и повторно e во игра за освојување на 14 место на табелата, место кое обезбедува бараж натпревар за опстанок во Втората фудбалска лига.
Во првото полувреме гледавме натпревар без шанси. Но само што започна второто полувреме, гостите од Гевгелија преку Сашо Дуков во 46 минута поведоа со 1:0. И тоа беше се што успеаја гостите да покажат денес на Градскиот стадион „Зоран Паунов“ во Велес. По неколку тактички промени на тренерот Симов, Никола Анчевски со ефектен погодок во 62 минута донесе израмнување за Борец, а во 72 минута Стефан Ристовски донесе радост и три бода за велешани.
По 23 одиграни кола, Борец 1919 има 13 бода , четири помалку од екипата на Осогово, која е 14 е на местото кое обезбедува бараж за опстанок во Втората фудбалска лига. Во нредното коло Борец 1919 гостува во Радовиш кај екипата на Детонит.
