Бензините и евродизелот од ноќеска на полноќ поевтинија за два денара по литар, а цената на екстра лесното масло за домаќинството е намалено за еден денар. Со одлуката на Регулаторната комисија за енергетика, водни услуги и услуги за управување со комунален отпад (РКЕ) се врши намалување на малопродажните цени на нафтените деривати во просек за 2,09 проценти.
Новата малопродажна цена на ЕУРОСУПЕР БС – 95 е 73 денари за литар, ЕУРОСУПЕР БС – 98 се продава за 75, ЕУРОДИЗЕЛ БС (Д-Е V) за 66,5, а Екстра лесното масло за домаќинство (ЕЛ-1) за 65,5 денари за литар.
Со одлуката на РКЕ за 0,248 денари за килограм се намалува и малопродажната цена на Мазутот М-1 НС и ќе изнесува 32,635 денари.
