Кадетите на Фруитленд Борец го доживеаја вториот пораз во лигата, овој пат од конкурентот за второто место кое води во разигрувањето за фајнал – фор, екипата на Куманово со високи 31:21.
Иако младите велешани добро го започнаа натпреварот и имаа водство дури и од 6:4, до крајот на првиот дел домашниот тим го презеде водство и на полувреме се замина со 14:10. Во вториот дел иста слика на теренот, велешани немаа решение за триото Вујичевски, Мицевски и Арсовски кои заедно постигнаа 24 погодоци и постојано ја зголемуваа предноста.
Најефикасен кај тимот на Фруитленд Борец повторно беше Андреј Зафиров со 8 постигнати погодоци, а изостана подршката од неговите соиграчи. Во наредното коло во Велес ќе гостува екипата на Алкалоид.
