Ноќна сообраќајна контрола во Велес заврши со приведување на 31-годишна велешанка која управувала возило и покрај тоа што имала активна забрана за управување со моторно возило од Б категорија.
Според информациите од СВР Велес, на 04.03.2026 година во 01:00 часот на улица „Димитар Влахов“ полициски службеници сопреле патничко возило „сеат“ со велешки регистарски ознаки, управувано од М.С. (31) од Велес.
По преземените мерки било утврдено дека таа управувала со возилото иако имала активна забрана за управување. По насоки на јавен обвинител, М.С. била лишена од слобода и приведена во полициска станица. Возилото било привремено одземено, а по целосно документирање на случајот ќе биде поднесена соодветна пријава.
