Екипата на Башкими од Горно Јаболчиште го претрпе првиот пораз во Третата фудбалска лига – Југ. На гостувањето во Крушево, екипата на Питу гули беше подобра и го совлада Башкими со резултат 2:0.
Стрелец на двата погодока за Питу Гули беше Музафер Алиоски во 20. и 72. минута. Интересен факт е дека екипата на Питу Гули им ги нанесе единствените порази и на Големо Коњари и Башкими.
По девет одиграни кола, екипата на Башкими падна на третата позиција со 15 освоени бода, девет помалку од лидерот Големо Коњари. Наредното коло во Населбата Чашка ќе се одигра дербито на Трета лига – Југ, против Големо Коњари.
