Фудбалерите на Превалец, под водство на тренерот Димче Маневски веќе три недели се во тренажен процес, и досега одиграа пет натпревари кои сите ги добија во своја корист. Денес во Велес го одиграа петиот контролен натпревар против екипата на Еуромилк од Горно Лисиче кој го добија со резултат 3:2. Стрелци на погодоците за Превалец беа Дејан Стефановски, Пеце Стојанов и Ангел Гаштев.
Претходно Превалец ги доби натпреварите против Горски со резултат 6:2, Младост со 5:2, Башкими со 4:1, Форца 4:2.
Пролетниот дел од Третата фудбалска лига – Југ започнува на 2 март, кога во Превалец ќе гостува екипата на Бучин. Превалец заостанува зад лидерот Големо Коњари само четири бода, што и не е недостижна предност.
