Денеска времето во земјава ќе биде сончево и топло, со појава на мала до умерена локална облачност во попладневните часови, информираат од Управата за хидрометеоролошки работи (УХМР). Ќе дува слаб до умерен ветер од променлив правец.
Утринската температра ќе се движи во интервал од девет до 18 Целзиусови степени, а максималната дневна ќе достигне од 29 до 39 степени.
Во Велес се очекува слично време, сончево и топло со мала облачност и слаб до умерен ветер од променлив правец. Дневната температура ќе се искачи до 39 Целзиусови степени.
