На 02.05.2026 околу 18:00 часот во Градско, полициски службеници од ОВР Неготино го лишиле од слобода Р.Ј. (41) од Вевчани, откако бил фатен како управува возило со екстремно висока брзина на автопатот Неготино – Градско.
При радарска контрола, полицијата констатирала дека тој управувал патничко возило „бмв“ со вевчански регистарски ознаки со брзина од дури 211 километри на час, на делница каде максимално дозволената брзина изнесува 120 километри на час.
И покрај дадениот знак за запирање, возачот не застанал и продолжил да се движи со возилото. По преземени мерки од страна на полицијата, возилото и возачот биле пронајдени, по што Р.Ј. бил приведен во полициска станица.
По насоки од јавен обвинител, по целосно документирање на случајот, против него ќе биде поднесена соодветна пријава.
