Три недели по физичката пресметка во Бутел, во која беше избодено со нож во срце, почина 13-годишното дете кое по инцидентот се наоѓаше во критична состојба, објави тетово1.
Инцидентот се случи на 31 август околу 22 часот на улицата „Македонско-косовска бригада“, каде дошло до физичка пресметка меѓу две групи. Во тепачката биле вклучени пет лица, од кои четворица малолетници и едно полнолетно лице.
Од Министерството за внатрешни работи тогаш информираа дека во пресметката биле користени ножеви. По настанот, полицијата одзела три ножа, гумена палка и други предмети.
Повредени биле повеќе лица, а најтешко настрадало 13-годишното дете. Тоа веднаш било пренесено во болница, каде лекарските екипи во изминатите недели се обидувале да му го спасат животот.
Сепак, по околу три недели лекување, детето им подлегнало на здобиените повреди.
Веста за неговата смрт доцна синоќа ја објавија повеќе медиуми на албански јазик.
