Видливи повреди биле забележани кај ученичка во основно училиште во Велес, по што бил извршен лекарски преглед, информираат од Министерството за внатрешни работи.
Според информациите од СВР Велес, на 26 октомври во полицијата бил пријавен случајот од Центарот за социјални работи во Велес, откако од стручната служба на училиштето биле известени за повредите кај ученичката.
Во врска со случајот, полициски службеници извршиле службен разговор со 57-годишна велешанка, законски старател на детето.
За настанот бил известен јавен обвинител. Од полицијата информираат дека по целосното расчистување и документирање на случајот ќе биде поднесена соодветна пријава.
