Американецот Џим Ангуло ненадејно стана херој кога неодамна спаси возач од запален камионет. Овој храбар човек од Мајами тргнал на работа, кога во еден момент налетал на сообраќајна несреќа во која две возила се судриле и се запалиле.
– „Погледнав лево, па десно и видов 20 луѓе како со своите мобилни телефони го снимаат човекот кој се обидува да излезе од возилото во пламен и не се обидуваат да го извлечат. Си реков себе си: „Се е на тебе“, им раскажа Џим подоцна на медиумите. Истрча до запалениот камионет, низ чиј прозорец возачот излегуваше и со помош на уште еден годподин, ја извлече жртвата надвор.
Човекот итно е пренесен во болница, каде што е утврдено дека се здобил со изгореници по нозете и на двете дланки. Така Џим стана „добриот Самарјанин“, но да бидеме искрени, ни тој не одолеал да не го вклучи телефонот на снимање, па така можете да видите како изгледало спасувањето „од прво лице“.
