Велешанец на возраст од 46 години бил лишен од слобода откако полицијата го фатила како управува возило под дејство на алкохол низ улиците на Велес.
Инцидентот се случил во раните утрински часови, поточно околу 01:30 часот на улицата „Димитар Влахов“, каде полициски службеници од СВР Велес извршиле сообраќајна контрола и сопреле патничко возило „фолксваген“ со велешки регистарски ознаки.
При проверките било утврдено дека возачот Т.П.(46) од Велес управувал со 1,62 промили алкохол во крвта, по што веднаш бил лишен од слобода.
По насоки на јавен обвинител, тој бил задржан во полициска станица, а возилото му било одземено. По целосно документирање на случајот, против него ќе следува соодветна пријава.
