Во време кога вниманието на публиката секојдневно се дели помеѓу стотици информации, Batali.mk во последните 28 дена достигна над 2,5 милиони прегледи на Facebook, речиси половина милион гледачи и повеќе од 43 илјади кликови кон порталот.
Овие бројки за нас не се само статистика. Тие се доказ дека локалните теми, навремените информации и приказните што ги засегаат граѓаните сè уште имаат силен одек кај јавноста.
Во изминатиот период, Batali.mk продолжи секојдневно да објавува локални вести од Велес, но и теми од Македонија и регионот, општествени приказни, интервјуа, анализи, реакции и информации од јавен интерес. Дел од објавите достигнаа и повеќе стотици илјади прегледи, а интересот и интеракцијата на публиката продолжуваат да растат.
Според статистиките на Facebook, во последните 28 дена:
- содржините на Batali.mk се прегледани над 2,5 милиони пати,
- речиси 486 илјади луѓе гледале содржини од страницата,
- а повеќе од 43 илјади пати читателите кликнале кон текстови објавени на порталот.
Особено нè радува фактот што најголемиот дел од досегот е органски, односно резултат на споделувања, препораки и интерес од самите читатели.
Ви благодариме за довербата, критиките, пораките, споделувањата и поддршката.
Batali.mk ќе продолжи и понатаму да информира брзо, локално и независно – со уште повеќе содржини, видеа и проекти во периодот што следува.
