Десетгодишно девојче од Радовиш било повредено во сообраќајна несреќа што вчера попладне се случила во Велес, а возачот кој ја удрил малолетничката го напуштил местото на настанот. Од СВР Велес информираат дека случајот бил пријавен во текот на вчерашниот ден.
„На 15.05.2026 во СВР Велес било пријавено дека околу 16:00 часот во Општа болница Велес, за укажување лекарска помош била донесена 10-годишна малолетничка од Радовиш. Според пријавеното, на улица „Јордан Џурнов“ во Велес патничко возило управувано од НН лице, удрило во малолетничката, која во несреќата се здобила со телесни повреди, констатирани од лекар во болницата. Се преземаат мерки за расчистување на настанот“, соопштија од СВР Велес.
Надлежните работат на пронаоѓање на возачот и целосно расчистување на случајот.
