Велес в сабота ќе биде домаќин на музичка вечер посветена на богатото чалгиско наследство и легендарната чалгиска тајфа на Ало Тончов, музичари кои од градот на двата рида покрај Вардар стигнале до највисоките султанови сараи.
Концертот ќе се одржи на 18 јули (сабота), со почеток во 20 часот, во автентичниот амбиент на Куќата на Касапови, каде посетителите ќе имаат можност да уживаат во звуците на македонската чалгија.
За музичкото доживување ќе се погрижи „Чалгија саунд систем“, кој преку својата изведба ќе ја оживее традицијата и ќе ја пренесе раскошната убавина на чалгиската музика низ велешките сокаци.
Организаторот, Народниот музеј Велес ги повикуваат љубителите на традиционалната македонска музика да бидат дел од оваа уникатна вечер, која претставува спој на културното наследство, историјата и препознатливиот дух на Велес.
