Јавното комунално претпријатие „Дервен“ реагира на информацијата на Центарот за управување со кризи (ЦУК) дека гори градската депонија во Велес, соопштувајќи дека станува збор за пожар на ниска вегетација и сува трева во близина на депонијата.
Од претпријатието велат дека нема зафатено отпад на самата депонија, туку пожарот е надвор од нејзиниот простор.
„Дервен“ информира дека состојбата се следи и дека се преземаат активности во координација со надлежните служби за спречување на ширење на огнот.
Претходно, ЦУК соопшти дека на територијата на Општина Велес е регистриран пожар кај градската депонија, каде според првичните информации било зафатено ѓубре.
