32-годишен жител на селото Долно Јаболчиште, општина Чашка, е приведен откако полицијата го затекнала како управува автомобил без да има стекнато право на управување.
Инцидентот се случил на 14 јули околу 20 часот на експресниот пат Градско–Прилеп, каде полициски службеници од ОВР Кавадарци при сообраќајна контрола сопреле патничко возило „голф“ со велешки регистарски ознаки, управувано од Б.А. (32).
По извршените проверки било утврдено дека возачот никогаш не стекнал право на управување со моторно возило, по што бил лишен од слобода. За случајот бил известен јавен обвинител, а возилото било одземено.
По целосното документирање на случајот, против Б.А. ќе биде поднесена соодветна пријава.
