Екипата на Превалец без поголеми проблеми ги освои трите бода на домашен терен, совладувајќи го последнопласираниот Млекар со убедливи 3:0.
Велешкиот тим уште од самиот старт ја презеде контролата врз натпреварот, а резултатот го отвори Филип Мијалковски во 9. минута. Превалец продолжи со офанзивна игра, но вториот гол пристигна дури на стартот од второто полувреме. Ордан Нешов во 52. минута зголеми на 2:0 и практично го реши прашањето околу победникот.
Конечните 3:0 ги постави Марио Панев во 74. минута, за сигурна победа и нови три бода за домашниот состав.
Со оваа победа Превалец стигна до девет бода и се искачи на третата позиција на табелата, потврдувајќи дека убедливиот пораз од ГФК Победа на стартот на сезоната бил само лош ден.
