Во рамките на Општинската фудбалска лига – Велес беа одиграни натпреварите од шестото коло, во кое беа постигнати интересни резултати и вкупно 12 погодоци на петте средби.
Најнеизвесно беше во Раштани, каде што истоимената екипа ја совлада Согле со 2:1. Дамјан Јовановски во 30. минута и Александар Петкоски во 38. минута донесоа предност од два гола за домаќините. Никола Димовски во 78. минута го постигна единствениот погодок за гостите. Тополка забележа минимална победа од 1:0 на гостувањето кај Плавник. Стрелец на единствениот гол беше Матеј Димовски во 23. минута.
Младост 1976 на домашен терен славеше против Локомотива од Градско со 2:0. Марјан Ончев во 48. минута и Николче Јавашев во 76. минута ја потврдија победата на домаќините.
Победа од 2:1 забележа и Горски против Бузалково. Антонио Китановски во 59. минута и Аријан Колашинац во 78. минута беа стрелци за Горски, додека Миљаим Сулејмани во 64. минута го постигна голот за Бузалково. На натпреварот меѓу Форца Нова и Врановци немаше погодоци, па средбата заврши со почетните 0:0.
| Поз. | Клуб | ОН | Поб. | Н | Пор. | ПОС | ПРИ | ГР | БОД |
|---|---|---|---|---|---|---|---|---|---|
| 1. | ЗГ ФК РАШТАНИ СПОРТ 2025 | 6 | 5 | 1 | 0 | 11 | 3 | +8 | 16 |
| 2. | ФК ТОПОЛКА | 6 | 4 | 0 | 2 | 7 | 3 | +1 | 12 |
| 3. | ФК ГОРСКИ | 6 | 3 | 2 | 1 | 8 | 4 | +4 | 11 |
| 4. | ФК ФОРЦА НОВА | 5 | 2 | 2 | 1 | 7 | 7 | 0 | 8 |
| 5. | ЗГ ФК ВРАНОВЦИ | 6 | 2 | 2 | 2 | 5 | 6 | -1 | 8 |
| 6. | ФК ТИМ ЛОКОМОТИВА 2018 | 5 | 2 | 1 | 2 | 6 | 7 | -1 | 7 |
| 7. | ФК МЛАДОСТ 1976 | 6 | 2 | 0 | 4 | 7 | 9 | -2 | 6 |
| 8. | ФК ПЛАВНИК 2026 | 6 | 1 | 2 | 3 | 6 | 9 | -3 | 5 |
| 9. | ФК БУЗАЛКОВО | 6 | 0 | 4 | 2 | 5 | 9 | -4 | 4 |
| 10. | ФК СОГЛЕ | 6 | 0 | 2 | 4 | 2 | 7 | -5 | 2 |
