Осумдневен притвор за лицето кое го скрши прозорецот на влезната врата на бугарската амбасада во Скопје, информираа од Основниот кривичен суд.
Притворот е изречен по предлог на Обвинителството, поради опасност од бегство и можност осомничениот повторно да го стори делото.
Инцидентот се случи на 11 јануари, кога лицето со камен го скрши стаклото на влезната врата на Амбасадата и веднаш го напушти местото.
Случајот предизвика лавина реакции од официјална Софија, а беа испратени и политички пораки до македонската влада.
