Грчките власти воведоа привремена забрана за капење на дел од плажата во Пефкохори на првиот крак на Халкидики, откако беше регистрирано излевање на отпадни води поради дефект на цевковод за нивен транспорт.
Според соопштението на Општина Касандра, инцидентот бил забележан во утринските часови на 11 јуни, кога дошло до пукање на потисниот цевковод Ф225 преку кој отпадните води од Пефкохори се транспортираат до постројката за преработка. Истекувањето било брзо запрено, а оштетувањето целосно отстрането. Паралелно биле спроведени активности за миење и дезинфекција на погоденото подрачје.
