Фудбалскиот клуб Борец 1919 АД го комплетира играчкиот кадар пред стартот на новата сезона во Третата фудбалска лига – Регион 4. Велешкиот клуб во своите редови регистрираше неколку нови фудбалери, но и играчи кои веќе го носеле дресот на Борец и се враќаат во клубот.
Новите засилувања се Павел Панов, кој пристигнува од КУЛ Скопје, Аце Стојановски од Согле и Алјбин Јашари од Башкими. Во составот повторно се и повратниците Петар Трајков и Енес Мандак.
Борец во новата сезона ќе смета и на млади сили. Нов член на тимот е 17-годишниот голман Васко Диковски од Њу Старс Скопје, како и 17-годишниот Ваљон Имеров.
Со спој на младост, нови имиња и добро познати лица, велешкиот клуб влегува во новата сезона со желба за што подобар пласман во Третата лига – Регион 4.
