Маж чиј идентитет и возраст засега не се познати бил пронајден вчера починат покрај коловозот на автопатот, кај клучката кај Велес, дознава Батали.нет.
Според првичните информации, мажот бил прегазен од возило чиј возач по несреќата побегнал од местото на настанот. Од здобиените повреди, лицето починало на самото место.
На локацијата бил извршен полициски увид, а надлежните служби преземаат мерки за расчистување на случајот. Се работи на утврдување на идентитетот на починатиот, како и на пронаоѓање на возилото и возачот кој учествувал во несреќата.
Се очекуваат повеќе официјални информации од Министерството за внатрешни работи во текот на денот.
