По одиграни четири кола во Општинската фудбалска лига Велес, екипата на Раштани Спорт 2025 се издвои на врвот на табелата со 10 бодови, откако забележа три победи и едно реми. Раштанци славеа на гостувањето кај Младост со 2:0, а двата погодоци ги постигна Даниел Трајковски во 56. и 86. минута.
На второто место е Гoрски со осум бодови, кој во четвртото коло го совлада тимот на Локомотива со убедливи 3:0. Стрелци за Гoрски беа Иванче Давитков во 5. и 15. минута, како и Аријан Колашинац во 57. минута.
Третото место го дели Локомотива со седум бодови, колку што има и Форца Нова, која е четвртопласирана. До втората победа во првенството стигна и Тополка, која со голот на Матеј Димовски во 75. минута славеше против Врановци. Минатогодишниот шампион, пак, минимално го совлада Согле со 1:0, благодарение на погодокот на Антонио Јорданов во 18. минута.
Интересно е што Бузалкова по четири одиграни натпревари има четири ремија и сè уште нема ниту победа ниту пораз. На дното на табелата е Младост 1976, која по четири кола е без освоен бод.
