Полицијата трага по возач кој избегал од полициска контрола во Превалец, сопатникот фрлил марихуана

Полицијата трага по возач на автомобил „Сеат“ со велешки регистарски ознаки, кој вчера избегал од полициска контрола во населбата Превалец во Велес. При обидот за запирање на возилото, еден од сопатниците фрлил марихуана низ прозорецот.

Zito baner

Настанот се случил на 17 ноември, околу 12:30 часот, кога полициски службеници од СВР Велес дале знак за запирање на возилото. Возачот не застанал, туку продолжил да се движи, по што, откако сопрел, лицата се дале во бегство.

Agria

По преземените мерки, полицијата ги пронашла двајцата сопатници – 15-годишен малолетник и 18-годишниот Т.М., двајцата од Велес. Осумнаесетгодишникот бил лишен од слобода, додека со малолетникот бил извршен службен разговор во присуство на родител.

За настанот бил известен јавен обвинител, а полицијата презема мерки за пронаоѓање на возачот. По целосното расчистување и документирање на случајот ќе бидат поднесени соодветни пријави.

Сподели преку :

Facebook
Twitter
LinkedIn
Pinterest

Можеби ќе ве интересира: