Екипата на Раштани спорт 2025 ја продолжува трката од првата позиција во Општинската фудбалска лига Велес, откако во петтото коло славеше победа од 2:1 против Плавник 2026 и стигна до 13 бодови.
Најголемиот конкурент за врвот, ГФК Горски, забележа пораз на гостувањето кај ФК Врановци со 2:1 со головите на Астрит Шабанов. Со овој пораз Горски остана со осум бодови но сега се наоѓа на третата позиција на табелата.
До победа од 0:1 стигна и Тополка, која славеше против Бузалково и со новите три бода се искачи на второто место со вкупно девет бодови.
Во петтото коло Младост 1976 ја забележа првата победа сезонава, совладувајќи го Согле со 2:0. Стрелци на головите беа Сашко Јовановски во 26. минута и Николче Јавашев во 68. минута.
Натпреварот меѓу Локомотива и Форца Нова е одложен, па двете екипи имаат по четири одиграни натпревари и по седум освоени бодови.
По одигрувањето на новото коло во Општинската фудбалска лига Велес 2026/27, табелата изгледа вака:
| Поз. | Клуб | ОН | Поб. | Н | Пор. | ПОС | ПРИ | ГР | БОД |
|---|---|---|---|---|---|---|---|---|---|
| 1. | ЗГ ФК РАШТАНИ СПОРТ 2025 | 5 | 4 | 1 | 0 | 9 | 2 | +7 | 13 |
| 2. | ФК ТОПОЛКА | 5 | 3 | 0 | 2 | 4 | 3 | +1 | 9 |
| 3. | ФК ГОРСКИ | 5 | 2 | 2 | 1 | 6 | 3 | +3 | 8 |
| 4. | ФК ТИМ ЛОКОМОТИВА 2018 | 4 | 2 | 1 | 1 | 6 | 5 | +1 | 7 |
| 5. | ФК ФОРЦА НОВА | 4 | 2 | 1 | 1 | 7 | 7 | 0 | 7 |
| 6. | ЗГ ФК ВРАНОВЦИ | 5 | 2 | 1 | 2 | 5 | 6 | -1 | 7 |
| 7. | ФК ПЛАВНИК 2026 | 5 | 1 | 2 | 2 | 6 | 8 | -2 | 5 |
| 8. | ФК БУЗАЛКОВО | 5 | 0 | 4 | 1 | 4 | 5 | -1 | 4 |
| 9. | ФК МЛАДОСТ 1976 | 5 | 1 | 0 | 4 | 5 | 9 | -4 | 3 |
| 10. | ФК СОГЛЕ | 5 | 0 | 2 | 3 | 1 | 5 | -4 | 2 |
