Американскиот претседател Доналд Трамп побара од украинскиот претседател Володимир Зеленски да престане со нападите врз руските рафинерии и инфраструктура за производство на дизел, оценувајќи дека нападите придонесуваат за недостиг на гориво и раст на цените.
„Зеленски треба да престане да го уништува дизелот во Русија“, изјавил Трамп пред новинарите за време на неговата посета на Ирска. Тој додал дека Украина има „многу други цели“ и дека нападите врз производството на дизел „го повредуваат светот“.
Украина со месеци изведува напади со беспилотни летала врз руската нафтена инфраструктура, при што е намалено домашното производство на гориво и се појавија недостиг и ограничувања на снабдувањето во делови од Русија. Киев, пак, смета дека руските рафинерии се легитимни воени цели, бидејќи Москва редовно ја напаѓа украинската енергетска инфраструктура.
Цената на дизелот во САД во меѓувреме надмина 6 долари за галон, што е рекордно ниво, а растот на цените предизвикува дополнителен притисок врз транспортот, земјоделството и економијата.
