Во раните утрински часови, на улицата „Димитар Влахов“ во Велес, полицијата приведе 29-годишен велешанец откако при сообраќајна контрола било утврдено дека управувал возило со фалсификувана возачка дозвола и покрај активна забрана за возење.
Настанот се случил на 3 февруари 2026 година, околу 2:40 часот, кога полициски службеници од СВР Велес запреле патничко возило „БМВ“ со велешки регистарски ознаки. Возилото го управувал И.Т. (29) од Велес, кој на увид приложил возачка дозвола издадена во Обединетите Арапски Емирати.
По извршената проверка, било утврдено дека дозволата е фалсификувана, по што истата му била одземена. Дополнително, полицијата констатирала дека во неговата македонска возачка дозвола е заведена активна забрана за управување со моторно возило.
Лицето било лишено од слобода и задржано во полициска станица, додека возилото со кое управувал било одземено. По целосно документирање на случајот, против него ќе следува соодветна пријава.
