Од полноќ бензините во Македонија ќе се продаваат по пониски цени за пет денари по литар, додека цената на дизелот останува непроменета, одлучи Регулаторната комисија за енергетика (РКЕ). Според новата одлука, која стапува во сила утре, 27 октомври, ЕУРОСУПЕР БС-95 ќе се продава по цена од 91 денар за литар, додека ЕУРОСУПЕР БС-98 ќе чини 93 денари за литар.
Цената на ЕУРОДИЗЕЛ останува непроменета и ќе изнесува 99 денари за литар. Екстра лесното масло за домаќинство поевтинува за 0,50 денари и ќе се продава по 110 денари за литар.
За разлика од останатите нафтени деривати, мазутот поскапува за 0,694 денари по килограм и неговата нова цена ќе изнесува 54,273 денари.
Со новата одлука, малопродажните цени на нафтените деривати во просек се намалуваат за 1,89 отсто во споредба со претходната одлука од 19 октомври.
