Страшна трагедија го потресе Росоман, каде триесет и тригодишен маж со остар предмет и нанел смртоносни повреди на својата шеесетгодишна мајка.
Според првичните информации од теренот, убиството се случило во семејниот дом по кратка меѓусебна расправија која завршила фатално.
Осомничениот со нож ја прободел жената во пределот на вратот, нанесувајќи и повреди од кои таа починала на самото место, пред да пристигне екипата на итната медицинска помош.
Полициски службеници веднаш го привеле сторителот, а на местото на настанот извршен е увид од страна на јавен обвинител и криминалистичка техника за прибирање на сите релевантни докази.
Телото на починатата е дадено на обдукција, додека против нејзиниот син ќе биде поднесена соодветна кривична пријава за убиство. Истрагата треба да ги утврди точните мотиви и околности кои довеле до овој свиреп чин кој ја вознемири локалната јавност и соседите на семејството.
