Судењето за пожарот во кочанската дискотека „Пулс“, во кој загинаа 63 лица, а над 200 беа повредени, продолжува деенска во судницата во „Идризово“ со искази на сведоци на Обвинителството.
На претходното рочиште одбраната на сопственикот на „Пулс“ и првообвинет Дејан Јованов-Деко побара замена на притворот со куќен притвор поради вложена здравствена состојба. За случувањата за време на трагедијата сведочеа Ана Захариева, која на критичната вечер била гостин во „Пулс”, како и Александар Јосифов, кој од 2017 до 2021 година бил главен секретар во Општина Кочани, во мандатот на градоначалникот Николчо Илиев и Драган Ананиев, вработен во Општина Кочани.
Судењето е во доказната постапка со сослушување сведоци на предлог на Обвинителството, кое го застапува тим од 15 јавни обвинители.
Пожарот во дискотеката „Пулс“ во Кочани избувна на 16 март 2025 година за време на настап на групата ДНК и претставува една од најтешките трагедии во поновата историја на земјата. Во него загинаа 63 лица, а над 200 беа повредени.
