Ракометниот клуб „Гемиџии“ викендов го очекува двојна програма, со натпревари на кадетската и пионерската екипа.
Најпрво, во сабота од 13 часот во спортската сала на ООУ Блаже Конески, кадетите на „Гемиџии“ ќе го пречекаат составот на „Куманово“. Велешани ќе имаат можност да се рехабилитираат за поразот во првото коло, кога на гостински терен загубија од „Македонија Ѓорче Петров“ со 34:31.
Во недела, пак, стартуваат возбудувањата во пионерската лига. Пионерите на „Гемиџии“ ќе гостуваат во Автокоманда, каде ќе се соочат со екипата на „Мулти Есенс“. Натпреварот е закажан за 12 часот.
Двојниот викенд ќе биде можност за велешкиот клуб да забележи добри резултати во двете младински конкуренции.
