Попладнево избувна пожар во велешката месност „Дорутовец“, зад бензинската станица на „Макпетрол“, пред влезот во Велес, од десната страна на патот во насока кон градот.
Поради силниот ветер и зголемениот ризик од ширење на пожарот, директорот на Дирекцијата за заштита и спасување, Стојанче Ангелов, нареди ангажирање на два авиона „Ер трактор“ за поддршка на акцијата за гаснење.
Во интервенцијата на терен учествуваат пожарникари од Територијалната противпожарна единица (ТППЕ) Велес со две противпожарни возила и шестмина пожарникари, кои работат на локализирање на огнената стихија.
Според информациите од Дирекцијата за заштита и спасување, состојбата внимателно се следи поради неповолните временски услови.
