Патниците кои секојдневно ги користат железничките линии кон Велес, Битола и Гевгелија од 22 јуни до 1 јули ќе мора да бараат алтернативен превоз, бидејќи во овој период ќе бидат укинати повеќе патнички возови низ државата.
Од ЈП ЖРСМ Инфраструктура соопштија дека прекинот во железничкиот сообраќај е поради изведување на завршните градежни работи на делницата Скопје – Зелениково, кои се дел од проектот „Градски воз“.
Од претпријатието велат дека работите се неопходни за реализација на проектот и апелираат до граѓаните навреме да ги планираат своите патувања и да ги земат предвид измените во возниот ред додека траат активностите на железничката инфраструктура.
