Уште еден случај на непочитување на сообраќајните прописи е евидентиран на велешкото подрачје. Полициски службеници од СВР Велес на 11 февруари 2026 година во 10:55 часот на автопатот А1, кај клучката Караслари, го лишиле од слобода А.А. (38) од Велес.
При редовна сообраќајна контрола било запрено патничко моторно возило „мерцедес“ со велешки регистарски ознаки, управувано од А.А., при што било утврдено дека тој го управувал возилото и покрај тоа што имал активна мерка – забрана за управување со моторно возило од Б категорија.
По насоки на јавен обвинител, лицето било приведено во полициска станица, а возилото било привремено одземено. По целосно документирање на случајот, против него ќе биде поднесена соодветна пријава.
