Во пресрет на најголемиот македонскиот национален празник Илинден – 2 Август, вчера Општина Велес со положување цвеќе на три споменици и Спомен-костурницата им оддаде почит на сите жртви за слободна Македонија.
Содржината продолжува под рекламата
Со тоа Општина Велес одбележа 121 година од Илинденското востание и 80 години од Првото заседание на АСНОМ. По тој повод, делегации на Општина Велес, политички партии, јавни институции им оддадоа почит на загинатите броци за слободна Македонија од Илинденскиот период и од Втората светска војна.
Содржината продолжува под рекламата
Цвеќе положија на споменикот на велешките Илинденци во центарот на градот, на споменикот на учителот Панко Брашнаров и на спомен- бистата во Спомен-костурницата од НОВ, каде се одржа и пригодна програма.
Од Општина Велес потенцираат дека 2 Август – Денот на Републиката е најголем национален празник во државата, кој со себе ги носи спомените од два значајни историски датума за македонскиот народ – двата Илиндена, Илинденското востание од 1903 година и Првото заседание на АСНОМ од 1944 година, на кое се поставени основите на денешна Македонија.
Можеби ќе ве интересира:
- Синдикалната кошница за едно семејство во ноември „тежеше“ 65.173 денари
- Возило зафатено од оган во центарот на Велес, брзата интервенција на пожарникарите спречи поголема штета
- Променливо време со дожд и засилен ветер – викендот носи застудување
- Пиротехниката во „Пулс“ била активирана со далечински управувач од еден од членовите на „ДНК“, рече обвинителот Јанев
- Собранието го одобри оданочувањето на онлајн пратките до 22 евра
