Велешанец на 62 години е лишен од слобода откако полицијата го затекнала како управува возило под дејство на алкохол. На 27 септември во 20:10 часот, на улицата „Благој Ѓорев“ во Велес, полициски службеници од СВР Велес запреле „Опел“ со велешки регистарски ознаки, управуван од Д.Т. (62) од Велес.
При извршената проверка било утврдено дека возачот имал 1,51 промили алкохол во крвта. По насоки на јавен обвинител, Д.Т. бил задржан во полициска станица, а возилото било одземено.
По целосното документирање на случајот, против него ќе биде поднесена соодветна пријава.
