Владата ја продолжи мерката со која ДДВ за дизелот се намалува од 18% на 10%, до 12 октомври. Како што објави пред малку министерката за финансии, Гордана Димитриеска-Кочоска, Влада продолжува да ги штити стандардот на граѓаните и стабилноста на домашната економија.
Владата продолжува внимателно да ги следи состојбите и движењата на цените, со цел навремено преземање соодветни мерки во интерес на граѓаните и економијата.
Во моментов литар ЕУРОДИЗЕЛ се продава по максимална цена од 104,50 денари, ЕУРОСУПЕР 95 чини 99, а бензинот од 98 октани 101 денар. Овие цени важат од 22 септември.
