Сојузот на синдикати на Македонија излезе со најновите пресметки за минималната синдикална кошничка за тековниот месец, според кои се забележува минимално намалување на вкупните месечни трошоци за едно четиричлено семејство во споредба со претходниот период. Според официјалните податоци, разликата меѓу двата месеци изнесува само неколку десетици денари, што укажува на речиси непроменет животен стандард и покрај малото намалување.
„Вредноста на синдикалната минимална кошница за месец мај 2026 година изнесува 68 743,00 денари, споредена со вредноста на синдикалната минимална кошница за месец април 2026 год. која изнесува 68 797,00 денари е намалена за 54,00 денари, соопшти ССМ.“
Најголем дел од месечниот буџет, како и досега, отпаѓа на храната и пијалоците, кои изнесуваат 25.475 денари или 37,1% од вкупната кошничка. Следуваат трошоците за домување, вода, електрична енергија и греење со 6.338 денари, како и облеката и обувките со 6.334 денари.
Во пресметката се опфатени и останатите категории како транспорт, комуникации, рекреација и култура, образование, како и трошоци за ресторани, хотели и други основни услуги и производи, кои заедно ја комплетираат месечната слика за минималниот животен стандард.
Синдикатот посочува дека доколку едно семејство плаќа кирија за стан од 60 квадратни метри, минималната синдикална кошничка значително се зголемува и достигнува 84.117 денари, при што само трошоците за домување и комуналии во тој случај изнесуваат 21.713 денари.
