Интернационалниот фестивал на античка драма „СТОБИ“ по 23. пат ќе се одржи во Велес, од 15 до 24 септември, во организација на Народниот театар „Јордан Хаџи Константинов – Џинот“. Пред велешката публика ќе бидат претставени театри од Македонија, Србија и Италија, со различни сценски изрази и современи толкувања на античката драма.
Фестивалот ќе биде отворен на 15 септември во 20 часот со претставата „Бегалка“ на Народниот театар од Струмица, а следниот ден, 16 септември, ќе гостува италијанскиот театар S’AZRA со претставата „Претходно“.
Програмата продолжува на 21 септември со „Годо“ на Театарот „Јордан Хаџи Константинов – Џинот“, по што на 22 септември следува „Падот на Масада“ на Драмскиот театар од Скопје.
На 23 септември гостува Народното позориште „Тоша Јовановиќ“ од Зрењанин, Србија, со „Лисистрата“, додека фестивалот ќе биде затворен на 24 септември со претставата „Сите прекрасни нешта“ на Народниот театар од Штип.
