Владата го намали данокот на додадена вредност (ДДВ) за горивата од 18 на 10 проценти, мерка со која треба да се ублажи растот на цените и финансискиот товар врз граѓаните и стопанството во услови на кризна состојба.
Според владините пресметки, наместо очекуваното поскапување на нафтата за околу пет денари, со намалувањето на ДДВ се очекува таа да поевтини за околу два денари.
Тоа значи дека ценовниот удар би бил ублажен за околу седум денари, а новата цена на нафтата би изнесувала околу 99 денари за литар.
Од Владата велат дека со оваа мерка се преземаат конкретни чекори за заштита на животниот стандард на граѓаните и поддршка на стопанството, особено поради можни нарушувања во снабдувањето со нафта и нафтени деривати.
