Времето претпладне ќе биде студено со појава на магла по одделни котлини, а преку денот сончево со мала до умерена облачност. Минималната температура ќе биде во интервал од -9 до -1, а максималната ќе достигне од 2 до 10 степени.
Во недела ќе се задржи стабилно време со утринските температури кои насекаде ќе бидат под нула, а дневните ќе бидат во благ пораст. По котлините ќе има појава на магла со пониски дневни температури. Од понеделник облачноста ќе се зголеми, а локални врнежи од дожд, на планините од снег, се очекуваат во текот на ноќта кон вторник и во вторник преку денот.
