Денес се одигра еден натпревар од 22 коло од Третата фудбалска лига – Југ, помеѓу екипите на Превалец и Влазними Јуниор. Иако и двете екипи беа слободни во 21 коло кое денес се одигра, на барање на гостинскиот тим, натпреварот од 22 коло помеѓу овие две екипи се одигра денес.
Домашниот состав го доби натпреварот со 4:0, иако судијата означи крај на натпреварот во 16 минута. До тој момент на теренот останаа само шест играчи од гостинскиот тим. Стрелци за Превалец беа Дукадиновски кој постигна хет-трик, а еднаш погоди Петров. Ова е веќе втор натпревар во Превалец кој не се доигрува до 90 минута, поради тоа што гостинскиот тим останува со само шест играчи во поле.
Со оваа победа на Превалец останува на втората позиција на табелата со 41 бод, 4 помалку од лидерот Големо Коњари, кој денес славеше на домашен терен против Бучин со 2:0.
