Полуфиналните натпревари од Купот на ОФС Велес понудија возбудлив фудбал и неизвесност до последниот свиреж. По жестока борба на терените, местото во финалето го обезбедија екипите на Младост и Горски.
Младост славеше со 2:1 над тимот на Локомотива, прикажувајќи борбеност и одлучност за пласман во финалето. Во второто полуфинале, Горски беше поуспешен од Бузалкова со резултат 2:1, обезбедувајќи така свој настап во финале на ова натпреварување.
Финалето е закажано за четврток, 22 мај, со почеток во 17:00 часот на Градскиот стадион „Зоран Паунов“ во Велес. Очекувањата се за атрактивен и борбен натпревар, каде ќе биде крунисан новиот освојувач на Купот на ОФС Велес.
