Вчера во вечерните часови избувна пожар во приватна куќа во селото Башино село. Според извештајот на СВР Велес, пожарот бил пријавен вчера (24.04.2025) во 20:50 часот.
Куќата што беше зафатена од пламените е во сопственост на 46-годишниот И.Д. Екипа на Територијалната противпожарна единица Велес брзо интервенирала и успешно го изгаснала пожарот.
За време на гаснењето, еден од пожарникарите вдишал чад и морал да биде пренесен во велешката болница за укажување на медицинска помош.
Екипа од СВР Велес извршила увид на местото на настанот. Причините за пожарот, како и проценката на материјалната штета, сè уште не се познати. Надлежните органи го истражуваат случајот.
